Prezident yordamchisi Saida Mirziyoyeva o‘zining Telegram’dagi kanaliga Buxoro UNESCO’ning nufuzli “Ijodkor shaharlar tarmog‘i” dasturiga qo‘shilgani va bundan judayam faxrlanganini yozib qoldirdi.
Saida Mirziyoyevaning qayd etishicha, ushbu ko‘hna shaharning tarixiy va madaniy merosi jahon hamjamiyatining munosib eʼtirofiga sazovor bo‘lgani nihoyatda muhim voqeadir. 2025-yilda O‘zbekiston Madaniyat va sanʼatni rivojlantirish jamg‘armasi tomonidan Buxoroda zamonaviy dizayn va hunarmandchilik bo‘yicha birinchi Biyennale bo‘lib o‘tadi.
“Ishonchim komilki, Biyennalening Buxoroda o‘tkazilishi xalqaro jamoatchilikning eʼtiborini jalb etadi, qadim shaharning ham mutaxassislar, ham sayyohlar tomonidan yanada chuqurroq o‘rganilishiga turtki beradi”, — deb yozadi u.
Buxoro UNESCO’ning “Ijodkor shaharlari tarmog‘i” dasturiga “Amaliy bezak va xalq sanʼati” yo‘nalishi bo‘yicha kiritilgan Markaziy Osiyodagi ilk shahar bo‘ldi. Mazkur dastur dunyoning jami 300 dan ortiq shahrini o‘z ichiga qamrab oladi.
Izoh (0)