Президент ёрдамчиси Саида Мирзиёева ўзининг Telegram’даги каналига Бухоро UNESCO’нинг нуфузли “Ижодкор шаҳарлар тармоғи” дастурига қўшилгани ва бундан жудаям фахрланганини ёзиб қолдирди.
Саида Мирзиёеванинг қайд этишича, ушбу кўҳна шаҳарнинг тарихий ва маданий мероси жаҳон ҳамжамиятининг муносиб эътирофига сазовор бўлгани ниҳоятда муҳим воқеадир. 2025 йилда Ўзбекистон Маданият ва санъатни ривожлантириш жамғармаси томонидан Бухорода замонавий дизайн ва ҳунармандчилик бўйича биринчи Биеннале бўлиб ўтади.
“Ишончим комилки, Биенналенинг Бухорода ўтказилиши халқаро жамоатчиликнинг эътиборини жалб этади, қадим шаҳарнинг ҳам мутахассислар, ҳам сайёҳлар томонидан янада чуқурроқ ўрганилишига туртки беради”, — деб ёзади у.
Бухоро UNESCO’нинг “Ижодкор шаҳарлари тармоғи” дастурига “Амалий безак ва халқ санъати” йўналиши бўйича киритилган Марказий Осиёдаги илк шаҳар бўлди. Мазкур дастур дунёнинг жами 300 дан ортиқ шаҳрини ўз ичига қамраб олади.
Изоҳ (0)