Zo‘ravonlikka chaqiruvchi Telegram kanallari bloklanadi. Bu haqda Telegram va “VKontakte” ijtimoiy tarmog‘i asoschisi Pavel Durov xabar berdi.
“Zo‘ravonlikka chaqiruvchi kanallar Telegram, Google, Apple va butun sivilizatsiyalashgan dunyo qoidalarini buzgani uchun bloklanadi”, — deydi Durov.
U misol tariqasida “Dog‘iston tongi” Telegram kanali bloklangani haqida ma’lumot berdi. Kanalda Respublika aholisini tartibsizliklar chaqiruvchi post joylangan.
Eslatib o‘tamiz, 29-oktyabr kuni Yaqin Sharqdagi harbiy harakatlardan norozi olomon Tel-Avivdan samolyot yetib kelganidan so‘ng Maxachqal’a aeroportining uchish-qo‘nish yo‘lagiga bostirib kirdi.
To‘qnashuvlar oqibatida 20 dan ortiq kishi jarohatlangan, huquq-tartibot idoralari xodimlari ommaviy tartibsizliklar moddasi bo‘yicha jinoiy ish qo‘zg‘atgan. Dog‘iston Ichki ishlar vazirligi ma’lumotlariga ko‘ra, jarohatlanganlar orasida to‘qqiz nafar huquq-tartibot xodimlari ham bor, ulardan ikki nafariga tibbiy muassasada yordam ko‘rsatilmoqda.
Izoh (0)