Qirg‘iziston Turkiyadan sotib olingan Akinji va Aksungur hujumchi dronlarini sinovdan o‘tkazdi. Bu haqda Sputnik xabar berdi.
![](/static/2023/photo_2023-10-29_17-36-54.jpg)
Ma’lum qilinishicha, sinov “Edelveys” harbiy poligonida Qirg‘iziston prezidenti Sadir Japarov rahnamoligida bo‘lib o‘tgan. Yerdagi nishonlarga berilgan zarbalarni Sadir Japarov, Milliy xavfsizlik davlat qo‘mitasi rahbari Qamchibek Tashiyev va boshqa shaxslar kuzatgan.
![](/static/2023/photo_2023-10-29_17-36-53.jpg)
![](/static/2023/photo_2023-10-29_17-36-51.jpg)
Akinji droni har birining uchish quvvati 450 ot kuchiga ega bo‘lgan ikkita AI-450T turbovintli dvigateli bilan jihozlangan. U tezkor strategik havodan razvedka olib borish, dushman nishonlariga havo hujumlarini amalga oshirish uchun mo‘ljallangan. Maksimal parvoz tezligi soatiga 361 kilometrni tashkil qiladi.
![](/static/2023/photo_2023-10-29_17-36-54 (2).jpg)
Aksungur — vizual, radio razvedka va patrulga moslashgan hujumchi dron. 170 ot kuchiga ega ikkita TEI PD170 turbovintli dvigatel bilan jihozlangan. U soatiga 240 km tezlikka erisha oladi.
Ikkala dron ham kechayu kunduz jangovar vazifalarni bajarishga qodir va yuqori texnologiyali optik va radar kuzatuv qurilmalari, shuningdek, lazerli nishonga olish moslamalari bilan jihozlangan.