Bishkek va Dushanbe ikki davlat chegaralari yaqinida dron uchirmaydi. Bu haqda Qirg‘iziston prezidentining Botkendagi vakolatli vakili matbuot xizmatiga tayanib, “24.kg” xabar berdi.
Qirg‘izistonning Botken viloyati rahbari Abdikarim Alimbayev va uning tojikistonlik hamkasbi Rajabboy Ahmadzoda shu masalani muhokama qilgan.
Tomonlar chegara zonasi yaqinida provokatsion harakatlarga yo‘l qo‘ymaslik, suv resurslaridan maqsadli foydalanish va ikki davlat chegarasida tinchlikni saqlashga kelishib olgan.
Chegara hududda dronlarning parvozini taqiqlash bo‘yicha dastlabki kelishuv 2022-yil mart oyida Qirg‘iziston—Tojikiston komissiyasi tomonidan ko‘rib chiqilgan edi.
Avvalroq Qirg‘izistonning chegaraga yaqin aholisiga vatan himoyasi uchun qurol ishlatishga ruxsat berilishi haqida ma’lum qilingandi. 2022-yilning sentabr oyida qirg‘iz-tojik chegarasida yuz bergan so‘nggi qurolli to‘qnashuvdan so‘ng Qirg‘izistonning chegaradosh tumanlari aholisini qurollantirish masalasi yana ko‘tarilgan.
Izoh (0)