Қирғизистон Туркиядан сотиб олинган Акинжи ва Аксунгур ҳужумчи дронларини синовдан ўтказди. Бу ҳақда Sputnik хабар берди.
![](/static/2023/photo_2023-10-29_17-36-54.jpg)
Маълум қилинишича, синов “Эделвейс” ҳарбий полигонида Қирғизистон президенти Садир Жапаров раҳнамолигида бўлиб ўтган. Ердаги нишонларга берилган зарбаларни Садир Жапаров, Миллий хавфсизлик давлат қўмитаси раҳбари Қамчибек Ташиев ва бошқа шахслар кузатган.
![](/static/2023/photo_2023-10-29_17-36-53.jpg)
![](/static/2023/photo_2023-10-29_17-36-51.jpg)
Акинжи дрони ҳар бирининг учиш қуввати 450 от кучига эга бўлган иккита АИ-450Т турбовинтли двигатели билан жиҳозланган. У тезкор стратегик ҳаводан разведка олиб бориш, душман нишонларига ҳаво ҳужумларини амалга ошириш учун мўлжалланган. Максимал парвоз тезлиги соатига 361 километрни ташкил қилади.
![](/static/2023/photo_2023-10-29_17-36-54 (2).jpg)
Аксунгур — визуал, радио разведка ва патрулга мослашган ҳужумчи дрон. 170 от кучига эга иккита ТЕI PD170 турбовинтли двигатель билан жиҳозланган. У соатига 240 км тезликка эриша олади.
Иккала дрон ҳам кечаю кундуз жанговар вазифаларни бажаришга қодир ва юқори технологияли оптик ва радар кузатув қурилмалари, шунингдек, лазерли нишонга олиш мосламалари билан жиҳозланган.