Futbol bo‘yicha Osiyo Chempionlar Ligasi 3-turida “An-Nassr” “Ad-Duhayl” ustidan 4:3 hisobida g‘alaba qozondi. Uchrashuvda Krishtianu Ronaldu dubl muallifiga aylandi.
“Ad-Duhayl” bosh murabbiyi Kristof Galte Ronalduni dunyoning eng yaxshi futbolchisi deb atadi.
“Krishtianu bilan to‘qnash kelsang, unga qarshi hech narsa qila olmaysan. U ikkita ajoyib gol urdi. Uni ta’riflashga so‘zlarim yetmaydi.
U qilayotgan ishlar 38 yoshli inson uchun ajoyib. Ronaldu hamon dunyoning eng yaxshi futbolchisi”, — deydi Galte.
Eslatib o‘tamiz, Kristof Galte 2022/23-yilgi mavsum “PSJ”da faoliyat olib borgan va Lionel Messi bilan birga ishlagan.
Izoh (0)