Boks bo‘yicha Butunjahon boks ittifoqi (WBC) 2023-yilning noyabr oyida tashkilotning yillik konvensiyasini Toshkent shahrida o‘tkazadi. 

Markaziy Osiyo davlatlar ichida ilk bor O‘zbekistonda o‘tkaziladigan nufuzli tadbir 12—17-noyabr sanalariga belgilangan. Tadbirda boks dunyosining eng mashhur yulduzlari ishtirok etishi kutilmoqda.

Bu haqida professional boks bo‘yicha ommaviy tadbirlarni tashkillashtirish va nazorat qilish bo‘limi boshlig‘i Eldormurod Sabirov ma’lum qildi.

12-dan 17-noyabrga qadar WBC 61-konvensiyasini o‘tkazishni rejalashtiryapti.

Ushbu tadbir Toshkentda bo‘lib o‘tadi. Unga Kostya Szyu, Evander Holifild, Amir Xon kabi boks yulduzlari, shuningdek, ijtimoiy tarmoqlarda mashhur bloger Abduroziq ham ishtirok etishi tasdiqlangan. Undan tashqari, hozirda Mayk Tayson va yana boshqa boks yulduzlari bilan muzokaralar olib borilmoqda. 

17-noyabr sanasida “Humo Arena”da boks kechasi ham o‘tkaziladi. Unda o‘zbekistonlik bokschilar Mujibillo Tursunov, Mirazizbek Mirzaxalilovlar ishtirok etadi. Shu bilan birga, Markaziy Osiyo WBC kamari uchun Anvar Turopov va Suhrob Qayumovlar jang qiladi.

Eldormurod Sabirov, professional boks bo‘yicha ommaviy tadbirlarni tashkillashtirish va nazorat qilish bo‘limi boshlig‘i