Taxtaqoracha dovonida yangi tunnel quriladi. Bu haqda prezident Qashqadaryo viloyatini ijtimoiy-iqtisodiy rivojlantirish masalalari yuzasidan yig‘ilishda ma’lum qildi.
.jpg)
Yig‘ilishda mutasaddilarga Taxtaqoracha dovonidan o‘tish talablarini yengillashtirish topshirildi.
Kelgusi yilda ushbu dovonda yangi tunnel va yo‘l qurish loyihasi boshlanadi. Xitoylik investorlar bilan birga Samarqand bilan Shahrisabzni bog‘lovchi 30 kilometr yo‘lni ta’mirlash ishlari boshlanadi.
Shuningdek, G‘uzor—Buxoro—Nukus—Beyneu yo‘lining Qashqadaryodan o‘tgan 100 kilometr qismini ta’mirlashga 122,5 million dollar jalb qilinadi.
Eslatib o‘tamiz, prezident tomonidan imzolangan “Yo‘l xo‘jaligi sohasini yanada takomillashtirish chora-tadbirlari to‘g‘risida”gi qarorda 2025-yilda Toshkent—Andijon, Toshkent—Samarqand yo‘nalishlari bo‘yicha pulli yo‘llarni va Taxtaqoracha dovonida pulli tunnelni qurish belgilangandi.
Izoh (0)