Qashqadaryo iqtisodiyoti faqatgina yirik korxonalarga qarab qolmasligi kerak. Bu haqda prezident Qashqadaryo viloyatini ijtimoiy-iqtisodiy rivojlantirish masalalari yuzasidan yig‘ilishda aytib o‘tdi.
.jpg)
Qayd etilishicha, viloyatda iste’mol tovari ishlab chiqarishda o‘sish sur’atlari respublika ko‘rsatkichidan 3 barobar kam. Ayniqsa, kichik biznesning sanoatdagi ulushi eng oxirgi o‘rinlarda. Vaholanki, Qamashida sement, gips va marmar, Shahrisabzda grafit, Yakkabog‘da kvars qumi, Chiroqchida marganets, Kitobda dolomit va chinni konlarini o‘zlashtirib, ishlab chiqarishni karrasiga oshirish mumkin.
Bundan tashqari, Qashqadaryoda yiliga 150 ming tonna polietilen granulasi ishlab chiqarilsa-da, uning atigi 4 foizi viloyatning o‘zida qayta ishlanadi. “Sho‘rtangaz kimyo majmuasi” atrofidagi 200 gektar bo‘sh yerda 100 turdagi import mahsulotini ishlab chiqarishni yo‘lga qo‘ysa bo‘ladi.
Mutasaddilarga tadbirkorlar bilan uchrashib, yirik sanoat korxonalari bilan kooperatsiya asosida 10 mingta ish o‘rni yaratish topshirildi.
Umuman, Qashqadaryoda sanoat hajmini kelgusi yilda 40 trillion so‘mga, eksportni 500 million dollarga yetkazish belgilab olindi.
Izoh (0)