Qarshi shahrida Shavkat Mirziyoyev raisligida Qashqadaryo viloyatini ijtimoiy-iqtisodiy rivojlantirish masalalari yuzasidan o‘tayotgan yig‘ilishda oliy taʼlim, fan va innovatsiyalar vaziri Ibrohim Abdurahmonov qishloq xo‘jaligi vaziri etib tayinlanishi haqida eʼlon qilindi. Bu haqda Prezident matbuot kotibi xabar berdi.
Prezidentning “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi farmoni bilan 2023-yil 1-yanvardan Vazirlar Mahkamasi tarkibidagi vazirliklar 25 tadan 21 taga qisqartirilgandi. 2017-yilda davlat rahbarining farmoni bilan tashkil etilgan Innovatsion rivojlanish vazirligi Oliy va o‘rta maxsus ta’lim vazirligiga qo‘shib yuborilib, Ibrohim Abdurahmonov unga rahbar etib tayinlangandi.
Avvalroq Aziz Voitov qishloq xo‘jaligi vaziri lavozimidan ozod etilgandi. Voitovning nima sababdan lavozimdan olingani va qaysi lavozimga tayinlangani hozircha noma’lum.
Izoh (0)