“Barselona” “Real”ga qarshi o‘yinda Rolling Stones guruhi logotipi tushirilgan libosda maydonga tushadi.
Bu haqida kataloniyaliklar rasmiy sayti xabar qildi.
Eslatib o‘tamiz, “Barselona” Spotify musiqa servisi bilan shartnoma imzolagan. “Real”ga qarshi uchrashuv 28-oktabr kuni bo‘lib o‘tadi.
Rolling Stones logotipi libosga tushirilishiga sabab, guruhning Hackneys Diamonds albomi chiqishidir. Albom 20-oktabr kuni premyera qilinadi. Bu guruhning 18 yil ichida chiqargan ilk albomi hisoblanadi.
O‘tgan mavsumda “Barselona” “Real”ga qarshi o‘yinlarda reper Dreyk, shuningdek, ispaniyalik qo‘shiqchi Rozaliyaning Motomami albomi ramzi tushirilgan logotiplarda maydonga tushgan edi.
Izoh (0)