Kecha, 16-oktyabr kuni Samarqandda BMT Butunjahon turizm tashkiloti (UNWTO) Bosh assambleyasining 25-sessiyasi boshlandi. Mazkur tadbirda O‘zbekiston prezidenti Shavkat Mirziyoyev qatnashdi va turizm sohasida hamkorlikni kengaytirish bo‘yicha qator takliflarni bildirdi.
Butunjahon turizm tashkilotining bosh kotibi Zurab Pololikashvili prezident ilgari surgan tashabbuslarni qo‘llab-quvvatlashini ma’lum qilib, tez orada UNWTO’ning O‘zbekistondagi vakolatxonasi ochilishini e’lon qildi.
“Kecha janob prezident Shavkat Mirziyoyev O‘zbekistonga investitsiya kiritish borasida juda ko‘plab qiziqarli innovatsion g‘oyalarni ilgari surdi. Biz bu tashabbuslarni qo‘llab-quvvatlaymiz va janob Mirziyoyevga mamlakatdagi va tashqi turizmni rivojlantirishdagi sa’y-harakatlari uchun minnatdorchilik bildiramiz.
Biz prezident tomonidan Jahon sayyohlik tashkiloti Bosh assambleyasining 25-sessiyasida ilgari surilgan yetti tashabbusni nafaqat qo‘llab-quvvatlaymiz, balki ularni joriy qilish ustida ishlaymiz.
Tez kunlarda UNWTO’ning O‘zbekistondagi vakolatxonasini ochamiz va faol hamkorlik qilish maqsadida mamlakatingizga muntazam tashrif buyuramiz”, — dedi Zurab Pololikashvili.
Izoh (0)