Kelajak – xavfsiz, bejirim dizayn va qulay, kamxarj avtomobillarniki. Ular ko‘plab ustunliklarga ega bo‘lgani uchun dunyo bo‘ylab trendga chiqmoqda.
Quyida avtomobillarning yorqin avlodi – Hongqi HS7 ni havola etamiz. Agar yaqinlaringizning xavfsizligini ta’minlashni istasangiz, unda Hongqi HS7 avtomobili aynan siz uchun.
Siz ushbu avtomobilni xarid qilib, shahar ichi va viloyatlar, hatto, tog‘li hududlarga ham oila a’zolaringiz bilan sayohatga chiqishingiz mumkin.
O‘lchamlari, narxlari va arzon avtomobil ehtiyot qismlar ro‘yxati bo‘yicha Hongqi HS7 Germaniyadan kelgan BMW X5 va Audi Q7 rusumidagi xorijiy avtomobillarning “tengdoshi” hisoblanadi.
Avtomobil 8 pog‘onali avtomat uzatmalar transmissiyasi va to‘liq yetaklovchi g‘ildiraklar tizimi bilan birlashtirilgan, 326 ot kuchi quvvatiga ega 3 litr hajmdagi kompressorli atmosfera dvigatel bilan jihozlangan.
Mashina kuzovining uzunligi 5 095 mm, eni 1 989 mm, balandligi esa 1 778 mm bo‘lib, g‘ildiraklar bazasi 3 008 mm ga yetadi. Bundan tashqari, so‘nggi texnologiyali LED optikasi mavjud bo‘lib, hashamatli ichki dizaynda esa haqiqiy charm va yog‘ochdan foydalanilgan.
Tabiiy charm va ekologik toza, 7 kishi uchun mo‘ljallangan joylar mavjud bo‘lib, old o‘rindiqlar isitish va sovitish funksiyasiga ega. Shuningdek, ikkinchi qator yo‘lovchilari uchun esa isitiladigan o‘rindiqlar qulaylik yaratadi.
Imkoniyatlar arsenaliga quyidagilar kiradi:
- 8 xil rejimda harakatlanish va unga moslashadigan pnevmatik podveska,
- 3 tomonlama iqlim nazorati,
- panoramali tom,
- 220 volt zaryadlash porti,
- shinalar bosimini nazorat qilish,
- avtoturargohga joylash yordamchisi bilan bir qatorda avtomatik to‘xtash majmuasi.
Avtomobil haqidagi barcha ma’lumotlarni shu yerdan olishingiz mumkin.
Sheriklik huquqi asosida
Izoh (0)