Кеча, 16 октябрь куни Самарқандда БМТ Бутунжаҳон туризм ташкилоти (UNWTO) Бош ассамблеясининг 25-сессияси бошланди. Мазкур тадбирда Ўзбекистон президенти Шавкат Мирзиёев қатнашди ва туризм соҳасида ҳамкорликни кенгайтириш бўйича қатор таклифларни билдирди.
Бутунжаҳон туризм ташкилотининг бош котиби Зураб Пололикашвили президент илгари сурган ташаббусларни қўллаб-қувватлашини маълум қилиб, тез орада UNWTO’нинг Ўзбекистондаги ваколатхонаси очилишини эълон қилди.
“Кеча жаноб президент Шавкат Мирзиёев Ўзбекистонга инвестиция киритиш борасида жуда кўплаб қизиқарли инновацион ғояларни илгари сурди. Биз бу ташаббусларни қўллаб-қувватлаймиз ва жаноб Мирзиёевга мамлакатдаги ва ташқи туризмни ривожлантиришдаги саъй-ҳаракатлари учун миннатдорчилик билдирамиз.
Биз президент томонидан Жаҳон сайёҳлик ташкилоти Бош ассамблеясининг 25-сессиясида илгари сурилган етти ташаббусни нафақат қўллаб-қувватлаймиз, балки уларни жорий қилиш устида ишлаймиз.
Тез кунларда UNWTO’нинг Ўзбекистондаги ваколатхонасини очамиз ва фаол ҳамкорлик қилиш мақсадида мамлакатингизга мунтазам ташриф буюрамиз”, — деди Зураб Пололикашвили.
Изоҳ (0)