O‘zbekiston Davlat statistika agentligi sentyabr oyi uchun palov indeksini e’lon qildi.
Unga ko‘ra, hududlardagi osh markazlarida sotilayotgan palovning bir porsiyasi uchun o‘rtacha narxlari quyidagicha bo‘lgan:
- Qoraqalpog‘iston Respublikasi — 20 800 so‘m;
- Andijon viloyati — 22 400 so‘m;
- Buxoro viloyati — 28 200 so‘m;
- Jizzax viloyati —23 200 so‘m;
- Qashqadaryo viloyati — 25 800 so‘m;
- Navoiy viloyati — 20 800 so‘m;
- Namangan viloyati — 19 833 so‘m;
- Samarqand viloyati — 27 000 so‘m;
- Surxondaryo viloyati — 25 000 so‘m;
- Sirdaryo viloyati — 23 200 so‘m;
- Toshkent viloyati — 21 833 so‘m;
- Farg‘ona viloyati — 19 667 so‘m;
- Xorazm viloyati — 22 800 so‘m;
- Toshkent shahri — 29 000 so‘m.
Sentyabr yakunlariga ko‘ra e’lon qilingan osh indeksi ma’lumotlari iyun oyi ma’lumotlari bilan solishtirilsa, O‘zbekistonning yarmida osh narxlari uch oydan buyon o‘zgarishsiz qolmoqda. Bunga iqtisodchi Otabek Bakirov e’tibor qaratdi.
Agentlik rasmiy ma’lumotlarga ko‘ra, oshning asosiy ingrediyentlari hisoblangan sabzi 28 foizgacha, guruch 5 foizgacha, go‘sht 3 foizgacha qimmatlagan. Lekin Qoraqalpog‘iston, Jizzax, Namangan, Sirdaryo, Toshkent viloyati, Xorazm va Toshkent shahrida tayyor palovning o‘rtacha narxlari uch oydan buyon o‘zgarmagan.
O‘zbekistonda eng ommaviy taom — osh narxlari to‘g‘risidagi ma’lumotlarni shakllantiruvchi “Palov indeksi” 2020-yilning yanvaridan joriy etilgan. Ushbu ma’lumotlarni shakllantirishda respublikaning barcha hududlarida 1 kilogramm palov tayyorlash uchun sarflanadigan masalliqlar miqdori o‘rganib chiqiladi. Shunga ko‘ra, umumiy ovqatlanish muassasalarida bir porsiya palovning o‘rtacha narxi belgilanadi.
Izoh (0)