Quyoshning faol qismlaridan birida kuchli chaqnash sodir bo‘ldi, zarralarning bir qismi Yerga yetib borishi mumkin. Bu haqda The Watchers nashri xabar berdi.
2023-yil 20-sentabr kuni UTC 14:19 da (Toshkent vaqti bilan 19:19 da) M8.2 sinfidagi kuchli quyosh chaqnashi sodir bo‘ldi. Hodisa olti daqiqa davom etib, Toshkent vaqti bilan soat 19:25 da tugagan.
Garchi Quyoshning chaqnash sodir bo‘lgan qismi Yerga qaramagan bo‘lsa-da, zarralarning bir qismi sayyoramiz tomon harakatlanayotgan bo‘lishi mumkin. Mutaxassislar yaqin kunlarda Yerga qaragan chaqnash kuzatilishini prognoz qilmoqda.
Sentabr oyidagi magnit bo‘ronlari
Prognozlarga ko‘ra, sentabr oyi oxirigacha kamida ikkita magnit bo‘roni kuzatilishi kutilmoqda. Biri 26-sentabrda boshlanadi va ancha kuchli bo‘ladi. Taxminan, uch kun, 28-sentabrgacha davom etadi. Oxirgi magnit bo‘roni esa 30-sentabr kuni kuzatilishi mumkin.
Izoh (0)