O‘zbekistonda 2023-yilning sakkiz oyida soliq huquqbuzarliklari haqida yo‘llangan murojaatlar soni 84 mingdan oshdi.
Soliq qo‘mitasining “Fiskal tahlillar” Telegram-kanalida ma’lum qilinishicha, yanvar—avgust oylarida “Soliq” mobil ilovasining “Soliq hamkor” tizimi orqali soliq huquqbuzarliklari haqida kelib tushgan 84 786 ta murojaatdan:
- 79 210 tasi xarid cheki bermaslik;
- 3 343 tasi to‘lovni plastik karta orqali qabul qilmaslik;
- 162 tasi plastik karta uchun xarid summasini oshirish;
- 2 071 tasi boshqa turdagi huquqbuzarlik holatlari bo‘yicha.
Murojaatlarning 46 839 tasi takroriy bo‘lgani yoki shikoyat kelib tushgan tadbirkorlik subyektida tekshiruv davom etayotgani sababli qaytarilgan. Murojaatlar asosida 32 968 ta sayyor soliq tekshiruvi o‘tkazilib, 99,5 foiz holatda huquqbuzarlik tasdiqlangan.
Huquqbuzarlik holatlari bo‘yicha xabar bergan fuqarolarga 2023-yilda 34 682 ta holat bo‘yicha (undirilgan jarima summasidan 20 foiz) 28,8 milliard so‘m mukofot to‘langan.
Izoh (0)