AQSH uchun asosiy tahdid Xitoy, dedi prezidentlikka Respublikachilar partiyasidan nomzod Vivek Ramasvami Fox News telekanaliga bergan intervyusida.
“Bizga duch kelayotgan birinchi raqamli tahdid kommunistik Xitoydir. Endi eʼtiborimizni hozir mavjud bo‘lmagan SSSRga emas, unga qaratishimiz kerak”, — dedi respublikachi.
Avvalroq Ramasvami “Xitoy—Rossiya ittifoqi” Qo‘shma Shtatlar uchun “birinchi raqamli tahdid” ekanini aytgandi.
“Ukrainani qurollantirishni davom ettirib, biz Rossiyani Xitoy qo‘liga tutqazyapmiz”, — deb ta’kidlagan u.
Avgust oyida prezidentlikka nomzod Ukrainadagi urush bo‘yicha Rossiyaga yon berishga tayyorligini ma’lum qilgan. Xususan, uning so‘zlariga ko‘ra, u Rossiya tomonidan anneksiya qilingan Ukraina hududlarini tan olishga va Ukrainaning NATOga kirishiga qarshi turishga tayyor. Shuningdek, u sanksiyalarni bekor qilishga va Rossiyani jahon bozoriga qaytarishga va’da berdi.
Fox News so‘roviga ko‘ra, respublikachilar praymerizlarida saylovchilarning 11 foizi Ramasvamini qo‘llab-quvvatlamoqda. U Florida gubernatori Ron Desantis va AQSH sobiq prezidenti Donald Trampdan orqada, ularni mos ravishda 13 va 60 foiz saylovchilar qo‘llab-quvvatlashga tayyor.
Izoh (0)