Rossiya ommaviy axborot vositalari Checheniston rahbari Ramzan Qodirovning kasalligi va o‘limi haqidagi mish-mishlar fonida uning samolyoti Moskvaga uch marta uchganini aniqladi.
Parvoz kuzatuvchilardan biriga ko‘ra, RA-73417 raqamli biznes-jet 15-sentabr, juma kuni taxminan soat 14:10 da Grozniydan Moskva yo‘nalishiga havoga ko‘tarilgan. Samolyot transponderi Volgograd osmonida signal uzatishni to‘xtatgan, shuning uchun parvozlarni kuzatish xizmatlari uning qo‘nishini qayd etmagan.
Biroq, ushbu biznes-jetning marshruti Moskvaga amalga oshirilgan boshqa reyslarga mos keladi. So‘nggi bir yil davomida Qodirovning samolyoti Rossiyaning boshqa shaharlariga parvoz qilmagan, ikki marta Sankt-Peterburgga parvozdan tashqari. Bundan tashqari, ushbu parvozdan oldin Qodirovning samolyoti sentyabr oyida yana ikki marta — 6 va 9-da Moskvaga uchgan.
RA-73417 raqamli samolyoti 17-sentabr kuni kechqurun Moskvadan Grozniyga parvoz qilgan. Shunday qilib, bort Rossiya poytaxtida 3 kun bo‘lgan.
Ayni vaqtda Rossiya OAVlari 17-sentabr, yakshanba kuni ertalab Moskvadagi Prezident ma’muriyati markaziy klinik shifoxonasi hududiga chechen davlat raqamlariga ega avtomobillar kelganini da’vo qilmoqda.
Izoh (0)