1992-yil boks osmonida yangi yulduz porladi. Gollivudcha qiyofaga ega, ismi ham jarangdor Oskar de la Hoya bo‘lgan 19 yoshli amerikalik Barselonada bo‘lib o‘tgan Olimpiadada -60 kg vazn toifasi bo‘yicha chempionlikka erishdi.
Shundan so‘ng u darhol professional boksga qadam qo‘ydi va o‘zi ishtirok etgan oltita vazn toifasida chempionlik unvonini qo‘lga kiritdi.
Quyida de la Hoyaning eng yaxshi beshta janggi hikoya qilinadi.
Qachon: 2001-yil 24-mart, Las-Vegas
Raqib: Arturo Gatti
22 yil oldin Oskar mashhur kanadalik bokschi Arturo Gattiga qarshi ringga chiqdi. De la Hoya uchun bu jang vaqtinchalik tanaffusdan so‘ng birinchisi edi. Amerikalik bokschi azaliy raqibi Sheyn Mosliga yutqazib qo‘yganidan so‘ng bir muddat qo‘shiq aytish bilan shug‘ullangan. Ammo vokal mashqlaridan keyin u yana ringga qaytishga qaror qiladi.
Birinchi raundda bokschilar deyarli bir xil darajada ekanligini namoyish etdi. Afsuski, bu uzoq davom etmadi. O‘zaro hujumlardan so‘ng Gatti oddiy ko‘rinishdagi jebni o‘tkazib yubordi. Hatto qimirlashga ulgurmadi. Himoya funksiyalari to‘satdan ishlamay qoldi va xuddi shunday jeblardan yana bir nechtasini o‘tkazdi. Qahramon zo‘rg‘a o‘rnidan turardi. Raund so‘nggiga qadar chidab berdi. Barchasi deyarli aniq bo‘lgandi.
Ikkinchi raundda Oskar “qon hidini sezdi”, Gattining har bir harakatini “o‘qiy” boshladi va o‘z vaqti kelishini xotirjamlik bilan kutdi. Ikkinchi raund natijalariga ko‘ra, Gatti hujum qilishga ham harakat qilmadi.
Yakunda Oskar g‘alaba qozondi.
Qachon: 1997-yil 18-yanvar, Las-Vegas
Raqib: Migel Anxel Gonsales
Ushbu jangda de la Hoyaga tegishli bo‘lgan WBC yarim o‘rta vazn toifasidagi chempionlik kamari xavf ostida edi. Uning raqibi esa yengilmas Migel Anxel Gonsales bo‘lgan.
Qiyin kechgan kurashda de la Hoya hakamlar qaroriga ko‘ra g‘alaba qozondi.
Qachon: 2002-yil 14-sentabr, Las-Vegas
Raqib: Fernando Vargas
Ushbu jangda WBC (de la Hoya) hamda WBA (Vargas) yo‘nalishlari bo‘yicha yarim o‘rta vazn toifasida jahon chempionlari to‘qnash keldi.
Jang Oskarning kichik ustunligi ostida kechgan. 11-raundda Oskar raqibini texnik nokautga uchratgan.
Qachon: 2006-yil 6-may, Las-Vegas
Raqib: Rikardo Mayorga
De la Hoya bir yarim yillik tanaffusdan so‘ng ringga qaytgan. Bunga qadar “Oltin yigit” Bernard “Jallod” Hopkinsga mag‘lub bo‘lgandi.
Mayorgaga qarshi jangda de la Hoya raqibini nokaut evaziga mag‘lub etgan.
Qachon: 2007-yil 5-may, Las-Vegas
Raqib: Floyd Meyvezer
Eng yaxshi o‘tkazilgan jang ham mag‘lubiyat bilan tugashi kamdan-kam bo‘ladigan holat. Deyarli bir yil davomida ringga chiqmagan 34 yoshli de la Hoya hech bo‘lmaganda muxlislar fikriga ko‘ra, Floyd Meyvezerni mag‘lub etdi.
12 raund davom etgan jang Meyvezerning Oskar zarbalaridan qandaydir tarzda yashirinishi bilan yakunlandi. Yakunda hakamlar Floydning g‘alabasini e’lon qildi.
Izoh (0)