Osiyo Kubogida ishlaydigan hakamlar ro‘yxati ma’lum bo‘ldi

Osiyo Futbol Konfederatsiyasi 2024-yil Qatarda bo‘lib o‘tadigan Osiyo Kubogida faoliyat olib boruvchi hakamlar ro‘yxatini e’lon qildi.

Unga ko‘ra, o‘zbekistonlik Ahrol Risqullayev va Ilgiz Tantashev bosh hakam sifatida taklif etilgan.

Ikki nafar yordamchi hakamlar – Timur Gaynulin va Andrey Sapenko, shuningdek, texnik ekspert Farhod Abdullayev ham Osiyo Kubogida faoliyat yuritadi.

Qaysi mamlakatlardan necha nafar hakamlar ishtirok etadi?

• Avstraliya — 3 nafar hakam + 2 nafar yordamchi hakam;
• Xitoy — 2 nafar hakam + 2 nafar yordamchi hakam + 1 nafar zaxiradagi yordamchi hakam;
• Eron — 1+2;
• Iroq — 1+2;
• Iordaniya — 1+2;
• Yaponiya — 4+4;
• Janubiy Koreya — 3+3;
• Saudiya Arabistoni — 2+2+1+1;
• Kuvayt — 2+2;
• Malayziya — 1+2;
• Ummon — 1+2;
• Qatar — 4+2
• Singapur — 1+2
• Suriya — 1+2;
• Tailand — 1+2;
• Tojikiston — bir nafar zaxira hakami;
• BAA — 3+2;
• O‘zbekiston — 2+2.

Osiyo miqyosidagi eng nufuzli turnir 2024-yilning 14-yanvaridan 10-fevraliga qadar davom etadi.