1992 йил бокс осмонида янги юлдуз порлади. Голливудча қиёфага эга, исми ҳам жарангдор Оскар де ла Ҳоя бўлган 19 ёшли америкалик Барселонада бўлиб ўтган Олимпиадада -60 кг вазн тоифаси бўйича чемпионликка эришди.
Шундан сўнг у дарҳол профессионал боксга қадам қўйди ва ўзи иштирок этган олтита вазн тоифасида чемпионлик унвонини қўлга киритди.
Қуйида де ла Ҳоянинг энг яхши бешта жангги ҳикоя қилинади.
Қачон: 2001 йил 24 март, Лас-Вегас
Рақиб: Артуро Гатти
22 йил олдин Оскар машҳур канадалик боксчи Артуро Гаттига қарши рингга чиқди. Де ла Ҳоя учун бу жанг вақтинчалик танаффусдан сўнг биринчиси эди. Америкалик боксчи азалий рақиби Шейн Мослига ютқазиб қўйганидан сўнг бир муддат қўшиқ айтиш билан шуғулланган. Аммо вокал машқларидан кейин у яна рингга қайтишга қарор қилади.
Биринчи раундда боксчилар деярли бир хил даражада эканлигини намойиш этди. Афсуски, бу узоқ давом этмади. Ўзаро ҳужумлардан сўнг Гатти оддий кўринишдаги жебни ўтказиб юборди. Ҳатто қимирлашга улгурмади. Ҳимоя функциялари тўсатдан ишламай қолди ва худди шундай жеблардан яна бир нечтасини ўтказди. Қаҳрамон зўрға ўрнидан турарди. Раунд сўнггига қадар чидаб берди. Барчаси деярли аниқ бўлганди.
Иккинчи раундда Оскар “қон ҳидини сезди”, Гаттининг ҳар бир ҳаракатини “ўқий” бошлади ва ўз вақти келишини хотиржамлик билан кутди. Иккинчи раунд натижаларига кўра, Гатти ҳужум қилишга ҳам ҳаракат қилмади.
Якунда Оскар ғалаба қозонди.
Қачон: 1997 йил 18 январь, Лас-Вегас
Рақиб: Мигел Анхел Гонсалес
Ушбу жангда де ла Ҳояга тегишли бўлган WBC ярим ўрта вазн тоифасидаги чемпионлик камари хавф остида эди. Унинг рақиби эса енгилмас Мигел Анхел Гонсалес бўлган.
Қийин кечган курашда де ла Ҳоя ҳакамлар қарорига кўра ғалаба қозонди.
Қачон: 2002 йил 14 сентябрь, Лас-Вегас
Рақиб: Фернандо Варгас
Ушбу жангда WBC (де ла Ҳоя) ҳамда WBA (Варгас) йўналишлари бўйича ярим ўрта вазн тоифасида жаҳон чемпионлари тўқнаш келди.
Жанг Оскарнинг кичик устунлиги остида кечган. 11-раундда Оскар рақибини техник нокаутга учратган.
Қачон: 2006 йил 6 май, Лас-Вегас
Рақиб: Рикардо Майорга
Де ла Ҳоя бир ярим йиллик танаффусдан сўнг рингга қайтган. Бунга қадар “Олтин йигит” Бернард “Жаллод” Ҳопкинсга мағлуб бўлганди.
Майоргага қарши жангда де ла Ҳоя рақибини нокаут эвазига мағлуб этган.
Қачон: 2007 йил 5 май, Лас-Вегас
Рақиб: Флойд Мейвезер
Энг яхши ўтказилган жанг ҳам мағлубият билан тугаши камдан-кам бўладиган ҳолат. Деярли бир йил давомида рингга чиқмаган 34 ёшли де ла Ҳоя ҳеч бўлмаганда мухлислар фикрига кўра, Флойд Мейвезерни мағлуб этди.
12 раунд давом этган жанг Мейвезернинг Оскар зарбаларидан қандайдир тарзда яшириниши билан якунланди. Якунда ҳакамлар Флойднинг ғалабасини эълон қилди.
Изоҳ (0)