Liviyada “Daniel” to‘foni va kuchli yog‘ingarchilik tufayli yuzaga kelgan suv toshqini oqibatida halok bo‘lganlar soni 8 mingdan oshdi. Bu haqda mamlakat Vakillar palatasi (parlament) maslahatchisiga tayanib, “Kommersant” xabar berdi. 10 mingdan ortiq odam bedarak yo‘qolganlar ro‘yxatida.
“Liviya shimoli-sharqida sodir bo‘lgan tabiiy ofat oqibatida halok bo‘lganlar soni 8 mingdan oshdi. Ayni paytda bedarak yo‘qolganlar soni 10 mingdan oshdi”, — deya Liviya parlamenti maslahatchisining so‘zlarini keltiradi Al-Arabiya telekanali.
To‘fondan eng ko‘p jabr ko‘rgan Derna shahri munitsipaliteti rahbari Abdulmenam al-G‘ayti Al-Arabiya’ga ma’lum qilishicha, shahar ma’muriyati prognozlariga ko‘ra, mintaqada yog‘ingarchilik va suv toshqinlari qurbonlari soni ortishi mumkin: 18—20 mingga ko‘tariladi. Avvalroq Sog‘liqni saqlash vazirligi 10 ming qurbon bo‘lishini prognoz qilgandi.
.jpg)
Liviya shimoli-sharqidagi suv toshqinlariga 10-sentabr kuni mamlakatni qamrab olgan “Daniel” to‘foni sabab bo‘ldi. Derna shahri eng jiddiy ko‘p ko‘rdi, u yerda ikkita to‘g‘on vayron bo‘ldi. Ko‘plab turar joy binolari va shifoxonalar suv ostida qoldi.
.jpg)
Tabiiy ofat qirg‘oq bo‘yidagi Jabal al-Axdar va Bing‘ozi shaharlariga ham ta’sir ko‘rsatdi. Ayni paytda sharqdagi Kirenaika provinsiyasining uchta hududida komendantlik soati joriy etilgan.
Izoh (0)