Germaniya Ukrainaga 20 ta Marder zirhli texnikasi va 20 ta RQ-35 Heidrun dronlarini topshirdi

Germaniya Ukrainaga yangi harbiy yordam paketini taqdim qildi. Germaniya hukumati qaroriga ko‘ra, Ukraina Qurolli kuchlari o‘q-dorilar bilan birga 20 ta Marder piyoda jangovar mashinasini oladi.

Shu tariqa Berlin tomonidan Kiyevga yetkazilgan Marder piyoda askarlarining umumiy soni 60 taga yetdi. Bundan tashqari, yangi harbiy yordam paketi doirasida Ukrainaga minalardan tozalashda foydalanilgan 20 ta RQ-35 Heidrun razvedkachi dronlari va 2 ta Wisent 1 zirhli texnikasi berildi.

Shuningdek, Ukraina Qurolli kuchlari Germaniyadan 155 mm kalibrli snaryadlar, portlovchi obyektlarni zararsizlantirish uchun material, dronlar uchun 10 ta datchik va 1 ta sun’iy yo‘ldosh kuzatuv tizimini oladi.

Germaniya Ukrainaga avvalgi harbiy yordam paketini avgust oyi oxirida yuborgan edi. Yordam doirasida dronlarni aniqlash tizimlari, 40 ta razvedkachi dronlar, Zetros yuk mashinalari va 22 million o‘q-dorilar Kiyevga jo‘natilgan.