Ливияда “Даниэль” тўфони ва кучли ёғингарчилик туфайли юзага келган сув тошқини оқибатида ҳалок бўлганлар сони 8 мингдан ошди. Бу ҳақда мамлакат Вакиллар палатаси (парламент) маслаҳатчисига таяниб, “Коммерсант” хабар берди. 10 мингдан ортиқ одам бедарак йўқолганлар рўйхатида.
“Ливия шимоли-шарқида содир бўлган табиий офат оқибатида ҳалок бўлганлар сони 8 мингдан ошди. Айни пайтда бедарак йўқолганлар сони 10 мингдан ошди”, — дея Ливия парламенти маслаҳатчисининг сўзларини келтиради Al-Arabiya телеканали.
Тўфондан энг кўп жабр кўрган Дерна шаҳри муниципалитети раҳбари Абдулменам ал-Ғайти Al-Arabiya’га маълум қилишича, шаҳар маъмурияти прогнозларига кўра, минтақада ёғингарчилик ва сув тошқинлари қурбонлари сони ортиши мумкин: 18—20 мингга кўтарилади. Аввалроқ Соғлиқни сақлаш вазирлиги 10 минг қурбон бўлишини прогноз қилганди.
.jpg)
Ливия шимоли-шарқидаги сув тошқинларига 10 сентябрь куни мамлакатни қамраб олган “Даниэль” тўфони сабаб бўлди. Дерна шаҳри энг жиддий кўп кўрди, у ерда иккита тўғон вайрон бўлди. Кўплаб турар жой бинолари ва шифохоналар сув остида қолди.
.jpg)
Табиий офат қирғоқ бўйидаги Жабал ал-Ахдар ва Бинғози шаҳарларига ҳам таъсир кўрсатди. Айни пайтда шарқдаги Киренаика провинциясининг учта ҳудудида комендантлик соати жорий этилган.
Изоҳ (0)