Turkmaniston kemasozlik sanoatining flagmani “Bolqon” zavodi va Janubiy Koreyaning Koryo Shipbuilding Industry Technology Co., Ltd. (KSIT) yuk ko‘tarish quvvati 6 100 tonna bo‘lgan ikkita quruq yuk tashuvchi kemani birgalikda qurish bo‘yicha shartnoma imzoladi, deb xabar bermoqda mahalliy Orient nashri.
Kelishuv doirasida mahalliy mutaxassislar Koreya texnologiyalari va zamonaviy sifat menejmenti tizimini joriy etish bo‘yicha o‘qitiladi. Loyihalash ishlari kemasozlikda qabul qilingan xavfsizlik va atrof-muhitni muhofaza qilishning yuqori standartlarini hisobga olgan holda amalga oshiriladi.
Mutaxassislarning “Daryo”ga ma’lum qilishicha, Turkmaniston o‘tgan yili Islom taraqqiyot banki va Neft eksport qiluvchi davlatlar tashkiloti (OPEK) Xalqaro taraqqiyot jamg‘armasidan 135 million dollar kredit olgan.
Kaspiy kemasozlik zavodi Turkiyaning Gap Inşaat kompaniyasi tomonidan 2018-yilda qurilgan. Korxonaning quvvati yiliga oltitagacha kema, jumladan, neft tankerlari, dengiz platformalari, tirkamalar va qayiqlarni qurish imkonini beradi.
Eziz Boyarov
Izoh (0)