Qoraqum cho‘lida Turkmanistonning tabiiy Garashor pasttekisligida sug‘oriladigan yerlarning meliorativ holatini yaxshilash, tuproq sho‘rlanishining oldini olish imkonini beruvchi “Oltin asr” ko‘li yaratilmoqda.
Turkmaniston Atrof-muhitni muhofaza qilish vazirligining “Daryo”ga ma’lum qilishicha, bularning barchasi ekologiyaga ijobiy ta’sir ko‘rsatadi.
“Gap shundaki, respublikaning Maryam, Axal va Bolqon viloyatlarida hosil bo‘lgan kollektor-drenaj oqimlari avvallari Qoraqum qumlari pasttekisliklarida to‘planib, yaylovlarni suv bosgan.
Rejaga ko‘ra, drenaj kollektori orqali suv yetkazib beriladigan yangi suv omborining umumiy sig‘imi 132 milliard kub metrni, suv yuzasi maydoni esa ikki ming kvadrat kilometrga yaqinni tashkil qiladi”, — deydi vazirlik.
Bir necha milliard dollarga baholanayotgan gidrotexnika loyihasining birinchi bosqichi 2009-yilda foydalanishga topshirilgandi.
Ayni bosqichda ko‘l atrofidagi hududni rivojlantirish konsepsiyasi doirasida kiruvchi suvni tuzsizlantirish texnologiyalarini joriy etish bo‘yicha ishlar olib borilmoqda. Bu baliqchilik, qo‘shni hududlarda tuyachilikni rivojlantirish imkonini beradi.
Aziz Boyarov
Izoh (0)