Туркманистон кемасозлик саноатининг флагмани “Болқон” заводи ва Жанубий Кореянинг Koryo Shipbuilding Industry Technology Co., Ltd. (KSIT) юк кўтариш қуввати 6 100 тонна бўлган иккита қуруқ юк ташувчи кемани биргаликда қуриш бўйича шартнома имзолади, деб хабар бермоқда маҳаллий Orient нашри.
Келишув доирасида маҳаллий мутахассислар Корея технологиялари ва замонавий сифат менежменти тизимини жорий этиш бўйича ўқитилади. Лойиҳалаш ишлари кемасозликда қабул қилинган хавфсизлик ва атроф-муҳитни муҳофаза қилишнинг юқори стандартларини ҳисобга олган ҳолда амалга оширилади.
Мутахассисларнинг “Дарё”га маълум қилишича, Туркманистон ўтган йили Ислом тараққиёт банки ва Нефть экспорт қилувчи давлатлар ташкилоти (ОПЕК) Халқаро тараққиёт жамғармасидан 135 миллион доллар кредит олган.
Каспий кемасозлик заводи Туркиянинг Gap Inşааt компанияси томонидан 2018 йилда қурилган. Корхонанинг қуввати йилига олтитагача кема, жумладан, нефть танкерлари, денгиз платформалари, тиркамалар ва қайиқларни қуриш имконини беради.
Эзиз Бояров
Изоҳ (0)