Yaponiya bosh vaziri Fumio Kisida hukumatning deyarli to‘liq tarkibdagi iste’fosini qabul qildi. Yaqin soatlarda yangi Vazirlar Mahkamasi tarkibi e’lon qilinishi kerak, deb xabar bermoqda Kyodo.
Yaponiya matbuoti xabariga ko‘ra, Vazirlar Mahkamasining 19 a’zosidan 11 nafari almashtiriladi. Xususan, Tashqi ishlar vazirligi va Mudofaa vazirligiga yangi rahbarlar tayinlanadi. Bundan tashqari, hukumatdan besh nafar ayol kishiga o‘rin ajratilishi kutilmoqda, bu Yaponiya tarixidagi eng ko‘p miqdor bo‘ladi.
Yanvar oyida Yaponiya hukumati mamlakatni rivojlantirish strategiyasini tasdiqlagandi. Shundan so‘ng Kisida Yaponiya tarixida o‘tgan bir yarim asrdagi uchinchi burilish nuqtasini e’lon qildi. U Ukrainadagi urush hamda Xitoy va KXDR tomonidan Osiyoda xavfsizlikka tahdid solayotgan asosiy xavflarni sanab, ularga qarshi mamlakat mudofaasi uchun rekord summada mablag‘ sarflanishini ta’kidladi.
Avgust oyida Fumio Kisida Yaponiya Ukrainaga 7 milliard dollar miqdorda yordam ajratishini e’lon qildi.
Izoh (0)