1995-yilda efir yuzini ko‘rgan “Jumanji” filmini suratga olish jarayonida texnik imkoniyatlardan foydalanilgani o‘sha vaqt uchun yangicha yondashuv bo‘lgan. O‘ziga xos sujet hamda Robin Uilyamsning ijrosi sabab mazkur filmga sarflangan puldan 4 baravar ko‘p daromad ko‘rilgan. Muxlislar uchun sevimli filmlardan biriga aylangan kinodagi aktyorlar haqida ma’lumotlarni e’tiboringizga havola etamiz.

Judi Sheperd — Kirsten Danst

Suratga olish jarayonida Kristen 13 yoshda bo‘lgan va “Jumanji” u rol ijro qilgan birinchi film bo‘lmagan. U 1994-yilda “Vampir bilan intervyu” filmida Bred Pitt va Tom Kruz bilan birga suratga tushgan.

Kirsten maktabni tamomlaganidan so‘ng aktrisa sifatida faoliyatini davom ettirgan. 2000-yillardan keyin uning karyerasida yangi bosqich kuzatiladi. U “Qarg‘a”, “O‘rgimchak odam”, “Uimboldon” kabi muvaffaqiyatli filmlarda suratga tushadi va mashhurlikka erishadi.

Kirsten bugungi kunda xayriya ishlari bilan faol shug‘ullanib keladi. Ayni vaqtda 41 yoshda bo‘lgan aktrisa oila qurgan va ikki farzandi bor.

Piter Sheperd — Bredli Pirs

Bredli bog‘cha vaqtidanoq karyerasini boshlagan, reklama roliklarida suratga tushgan, multfilm qahramonlariga ovoz bergan.

Aktyor sifatida turli seriallar va televizion loyihalarda epizodik rollar ijro qilgan. 

“Jumanji” filmidagi roli esa ilk ko‘zga ko‘rinadigan rollardan biri bo‘lgan. Shundan keyin unga turli filmlarga rol ijro qilish uchun takliflar kelib tusha boshlagan.

Ammo o‘smirlik davrida unda surunkali depressiya kasalligi kuzatilgani sabab keyinchalik u filmlarda kamnamo bo‘lib qolgan va faoliyatini dublyajda davom ettirgan. “Piter Pen”, “Sohibjamol va maxluq” “Suv parisi” multfilmlari shular jumlasidan.

U turli teleshoularni sahnalashtirish va qisqa metrajli filmlarni suratga olishda o‘zini sinab ko‘rgan. 40 yoshda bo‘lgan Pirsning uch nafar farzandi bor va u bugungi kunda biznes bilan ham shug‘ullanadi.