Ba’zida hatto eng iste’dodli aktyorlar ham filmda yangi rol tanlashda muammoga duch kelishadi.
Anya Teylor-Joy — Jin Grey rolida (“Shelbilar oilasi”)
Ijtimoiy tarmoq foydalanuvchilari Anyani “Shelbilar oilasi” filmidagi rolining soxtaligi bilinib turadi deb hisoblashadi. Uning nutqi va intonatsiyasi ravon hamda tabiiy chiqmagan, hatto yurishi ham kadrda g‘alati ko‘rinadi.
Gal Gadot — Diana Prins rolida (“G‘aroyib ayol”)
Tomoshabinlarning fikricha, Gal Gadot garchi yaxshi aktrisa bo‘lsa-da, yarim ma’buda roliga mos kelmagan. “G‘aroyib ayol” mushakdor va baquvvat tanaga ega jangchi bo‘lishi kerak edi, ammo Gadot juda chiroyli va jozibali ayol obrazini yaratgan.
Jennifer Lopes — Marisa Ventura rolida (“Oqsoch xonim”)
Jennifer Lopes ishtirokidagi har qanday film dastlab muvaffaqiyatsizlikka uchraydi, degan fikr bor, chunki yulduz hamma joyda bir xil turdagi rollarni o‘ynaydi va bir xil his-tuyg‘ularni namoyish etadi. “Oqsoch xonim” filmidagi Marisa muxlislarga juda so‘lg‘in va bo‘shang bo‘lib tuyuladi. Bu qahramonning alohida ajralib turadigan jihati yo‘q.
Liam Xemsvort — Geyl Xotorn rolida (“Hayot-mamot o‘yinlari”)
Aktyor “Hayot-mamot o‘yinlari” filmidagi Geyl roli uchun tanqid qilinadi. Xemsvort bu personajning xarizmasini shunchaki yetkaza olmagani ta’kidlanadi.
Natali Portman — Jeyn Foster rolida (“Tor”)
Tomoshabinlarning fikricha, Portman Marvel olamiga shunchaki mos kelmaydi. Natali ajoyib aktrisa bo‘lishiga qaramay, uning qahramoni juda zerikarli bo‘lib chiqadi, boshqa qahramonlar bilan o‘zaro munosabati ham juda zerikarli tuyuladi.
Timoti Shalame — Villi Vonka rolida (“Vonka”)
Yangi “Vonka” filmining birinchi treyleridan so‘ng ko‘pchilik muxlislar bosh rolga aktyor tanlashdan mamnun bo‘lishmadi. Twitter foydalanuvchilari Shalameni bu rolga mos kelmasligini yozishdi.
Shuningdek, ularga yulduz bu obrazda o‘zini noqulay his etayotgandek, kulgili bo‘lishga urinayotgandek tuyulgan. Uning qahramonini Vonka rolini o‘ynagan boshqa aktyorlar bilan taqqoslab bo‘lmaydi, albatta.
Juliya Roberts — Vivian (“Go‘zal ayol”)
Ba’zi kino muxlislari Juliyaning “Go‘zal ayol” filmidagi rolidan ko‘ngli to‘lmagan. Tomoshabinlar uning kadrda ma’nosiz ko‘rinishini, jiddiy sahnalarda adashganini va sujet talab qilmagan kadrlarda juda dramatik ekanligini his qilishgan.
Jared Leto — Joker (“O‘z joniga qasd qiluvchilar guruhi”)
Jared Leto aqldan ozgan Joker sifatida tomoshabinlar qalbini zabt eta olmadi. Ko‘pgina kino muxlislari uni Xit Lejer bilan solishtirishadi, u ham filmlardan birida ushbu yovuz qahramon rolini o‘ynagan va Jared uning fonida shunchaki ko‘rinmay qolgan, deb hisoblashadi.
Izoh (0)