Toshkent viloyatining Qibray tumani hokimiga 5 nafar o‘rinbosar tayinlandi. Bu haqda “Daryo”ga viloyat hokimligi axborot xizmati rahbari Behzod Qobulov xabar berdi.
Tumanda rahbar kadrlar tarkibini kuchaytirish va yangilash bo‘yicha Xalq deputatlari viloyat Kengashi maxsus ishchi guruhining tavsiyasi hamda Qibray tumani hokimining farmoyishiga ko‘ra Hamidov Kamoliddin Mahmudovich tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari — Iqtisodiy taraqqiyot va kambag‘allikni qisqartirish bo‘limi boshlig‘i lavozimiga tayinlangan.
Shuningdek, Boymatov Farhod Odiljonovich tuman hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimiga, Naipova Rahima Ma’murjon qizi tuman hokimi o‘rinbosari — Oila va xotin-qizlar bo‘limi boshlig‘i lavozimiga, Xoliqov Farhod Xudoyberganovich tuman hokimining yoshlar siyosati, ijtimoiy rivojlantirish va ma’naviy-ma’rifiy masalalari bo‘yicha o‘rinbosari lavozimiga hamda Hoshimov Akmalxo‘ja Isroil o‘g‘li esa tuman hokimi o‘rinbosari — investitsiyalar va tashqi savdo bo‘limi boshlig‘i lavozimiga tayinlangan.
.jpg)
Avvalroq viloyat hokimi Zoir Mirzayev Qibray tumani hokimi o‘rinbosarlari, hokimlikning boshqa barcha mutaxassislarini vazifasidan ozod qilib, “Kadrlar bilan ishlashning ‘Qibray tajribasi’ joriy qilinadi. Bo‘shagan o‘rinlarga, tuman tashkilotlariga tanlov asosida yoppasiga yoshlar ishga olinadi. Qibrayga shu tariqa ‘yangi qon’ quyilmasa bo‘lmaydi”, — degandi.
Keyinchalik harakatiga izoh bergan hokim “Men protokol qilib, majlis qilaman, desam qo‘rqaman. Har bir varaqqa qo‘l qo‘yib chiqaman keyin. Tiqvoradi orasiga, hech narsadan qaytmaydi. Hammasida shunaqa. Bitta tumanni qilsak, natija beradigan bo‘lsa, boshqa tumanlarda ham shunday qilamiz. Bular butunlay o‘z xo‘jaligi qilib olgan. Men majbur bo‘ldim, baribir oxiriga yetamiz”, degandi.
Izoh (0)