Gruziya parlamenti deputatlari muxolifatchi deputat Teona Akubardiyaning respublikada fashizm ustidan qozonilgan G‘alaba kunini 9-maydan 8-mayga ko‘chirish haqidagi qonunchilik tashabbusini birinchi o‘qishda qo‘llab-quvvatlamadi.
Ovoz berish natijalariga ko‘ra, Mehnat kodeksiga o‘zgartirish kiritishni yoqlab 20 nafar deputat ovoz berdi, 4 nafar deputat qarshi chiqdi.
Minbardan so‘zga chiqqan Akubardiya fashizm ustidan qozonilgan G‘alaba kunini Rossiya bilan emas, Yevropa bilan bir kunda nishonlash zarurligini aytib o‘tdi. Uning so‘zlariga ko‘ra, qonun loyihasi faxriylar va boshqa shaxslarga 9-may kuni bayramni nishonlash va shu kuni yodgorliklarni ziyorat qilishni taqiqlamaydi, biroq rasmiy dam olish kuni 8-may kuni bo‘lishi kerak.
Hukmron “Gruziya orzusi – demokratik Gruziya” partiyasi deputatlari qonun loyihasi muhokamasi chog‘ida tashabbuskorga savollar berar ekan, qonun loyihasi 9-mayni nishonlashga o‘rganib qolgan jamiyatni parchalashga xizmat qilishini ta’kidlab, uni tanqid qildi.
Shuningdek, ularning fikricha, taslim bo‘lish to‘g‘risidagi pakt imzolangan paytda soat necha bo‘lganini muhokama qilish bema'nilikdir. Shu boisdan fashizm ustidan qozonilgan g‘alaba kunini 9-may kuni rasman nishonlashda davom etish zarur, deya ta’kidlashdi deputatlar.
Izoh (0)