Turkiya shimolida kuchli yomg‘ir tufayli Qora dengiz sohilida joylashgan Giresun shahrini suv bosdi. Bu haqda CNN Turk xabar bermoqda.
Kuchli yomg‘ir 2-sentabr kuni kechqurun boshlangan. Yog‘ingarchilik oqibatida shaharning markaziy qismidagi ko‘chalar suv ostida qolgan, birinchi qavatdagi ayrim uylarni suv bosgan.
Suv bosgan yo‘llarda haydovchilarning mashinada harakatlanishi qiyinlashgan.
Yomon ob-havo oqibatlarini bartaraf etish uchun kommunal xizmatlar kanalizatsiya quduqlarini ochishga kirishdi.
Avval Xitoy janubidagi Guandun provinsiyasiga kuchli “Saola” tayfuni yopirilgandi. Shamol kuchliligi sababli vazni 50 kilogrammdan kam bo‘lgan odamlarga ko‘chaga chiqish taqiqlangan.
Bundan tashqari, Xitoy janubida 780 mingdan ortiq odam evakuatsiya qilingan. Guandun provinsiyasida ham ko‘chki sodir bo‘lgan.
Izoh (0)