Yevropada bugun yozgi transfer oynasi yopiladi. So‘nggi kunda sodir bo‘lgan transferlar bitta sahifada

Yevropaning qator ligalarida 1-sentabr kuni yozgi transfer oynasi yopildi. Quyida dedlayn kuni yuz bergan asosiy transferlar haqida ma’lumot beriladi. 

• “Real” futbolchisi Alvaro Odriosola faoliyatini “Real Sosyedad”da davom ettiradi. Futbolchi yangi jamoasi bilan 5 yillik shartnoma imzoladi. 
• “Barselona” “Manchester Siti” himoyachisi Joau Kanseluni o‘z safiga qo‘shib oldi. Portugaliyalik futbolchi bir mavsum davomida kataloniyaliklar sharafini himoya qiladi. 
• “Barselona” “Atletiko” hujumchisi Joau Feliksni sotib olish huquqi bilan ijaraga oldi. Bu haqida jamoa rasmiy sayti xabar bermoqda.

• “Ayntraxt” futbolchisi Randal Kolo-Muani “PSJ”ga o‘tdi. Parijliklar futbolchi uchun 95 million yevro to‘lab beradi. 

• Meyson Grinvud faoliyatini Ispaniyada davom ettiradi. “Manchester Yunayted” futbolchisini “Xetafe” ijaraga oldi. 
• “Manchester Yunayted” “Fiorentina” futbolchisi Sofyan Amrabatni bir mavsumga ijaraga oldi. 
• “Fiorentina” futbolchisi Luka Yovich faoliyatini “Milan”da davom ettiradi. Tomonlar bir yillik shartnoma imzoladi. 
• “Manchester Yunayted” “Fenerbahche”ning 25 yoshli darvozaboni Altay Bayindirni o‘z safiga qo‘shib oldi. Turkiyalik posbon bilan bitim 2027-yil yoziga qadar mo‘ljallangan. 
• “Manchester Siti” yarim himoyachisi Koul Palmer faoliyatini “Chelsi”da davom ettiradi. 21 yoshli futbolchi londonliklar bilan 7+1 ko‘rinishida shartnoma imzoladi. 

• “Yuventus” himoyachisi Leonardo Bonuchchi “Union” bilan shartnoma imzoladi. 36 yoshli futbolchining turinliklar bilan bir yillik bitimi bor edi. Biroq u jamoa bilan kelishgan holda transferga qo‘yildi va jamoasini almashtirdi. 

• “Nottingem Forest” “Arsenal” himoyachisi Nunu Tavareshni bir yilga ijaraga oldi. Shuningdek, jamoada 23 yoshli futbolchini 12 million funtga sotib olish huquqi ham mavjud. 
• “Manchester Siti” “Vulverhempton” yarim himoyachisi Mateush Nuneshni 53,2 million funtga xarid qildi. Futbolchi “shaharliklar” bilan 5 yillik shartnoma imzoladi. 
• “Barselona” himoyachisi Kleman Langle ijara asosida “Aston Villa”ga o‘tdi. Ingliz jamoasi 28 yoshli futbolchining 75% maoshini to‘lab beradi. 

• “Barselona” hujumkor yarim himoyachisi Ansu Fati “Brayton”ga ijara asosida o‘tdi. “Barselona” tarbiyalanuvchisi bir yildan so‘ng jamoaga qaytadi. Inglizlar shartnomaga 20 yoshli vingerni xarid qilish bandini kiritmagan. 
• “Real” o‘z futbolchisi Reynerni uchinchi bor ijaraga berib yubordi. Futbolchi bu safar bir mavsum davomida A Seriyaning “Frozinone” klubi sharafini himoya qiladi. 
• “Atalanta” klubi hujumchisi Duvan Sapata “Torino”da o‘ynaydigan bo‘ldi. Turinliklar futbolchini bir yilga ijaraga oldi. 
• “Yuventus” yarim himoyachisi Marko Pyatssa Xorvatiyaning “Rieka” jamoasi futbolchisiga aylandi. 
• “Augsburg” “Tottenhem” futbolchisi Jafet Tangangani ijaraga oldi. 
• “Manchester Yunayted” 8 yil oldin jamoani tark etgan Jonni Evansni yana o‘z safiga qo‘shib oldi. 35 yoshli himoyachi mankunianliklar bilan bir yillik shartnoma imzoladi. Evans so‘nggi 5 yilni “Lester” jamoasida o‘tkazgan. 

• “Valensiya” 28 yoshli yarim himoyachisi Samu Kastilyexoni “Sassuolo”ga ijaraga berdi. 
• “Chelsi” yarim himoyachisi Kallum Hadson-Odoi “Nottingem Forest” bilan 3 yillik shartnoma imzoladi. Futbolchi yangi jamoasida 14-raqam ostida harakat qiladi.