Elmurod Tursunov Qoraqalpog‘iston Respublikasi adliya vaziri etib tayinlandi, deb xabar bermoqda Adliya vazirligi matbuot kotibi.
U 2020-yilning mart oyidan buyon Qoraqalpog‘iston Adliya vazirligiga rahbarlik qilib kelgan Saylaubay Mambetkadirov o‘rnini egalladi.
Elmurod Tursunov 1983-yilda Qoraqalpog‘iston Respublikasi, Xo‘jayli tumanida tug‘ilgan. 2006-yilda Qoraqalpoq davlat universitetini tamomlagan, huquqshunos. Mehnat faoliyatini 2006—2007-yillarda Qoraqalpog‘iston Respublikasi Nukus shahar 1-son davlat notarial idorasi arxivariusi lavozimidan boshlagan. 2007—2022 yillarda Qoraqalpog‘iston Respublikasi Adliya vazirligida turli mas’ul lavozimlarda faoliyat yuritgan.
Tayinlovga qadar 2022-yildan buyon Qoraqalpog‘iston Respublikasi adliya vaziri birinchi o‘rinbosari lavozimida ishlab kelayotgan edi.
Qoraqalpog‘iston adliya vaziri birinchi o‘rinbosari etib vazirlikning Nodavlat notijorat va diniy tashkilotlar boshqarmasining bo‘lim boshlig‘i lavozimida ishlab kelayotgan Amangeldi Prenov tayinlandi.
Izoh (0)