Muftiy Shayx Nuriddin Xoliqnazarov abituriyentlarning 40 foizidan ortig‘i 56,7 ball ham ololmaganini musibat deb atadi.
Nuriddin Xoliqnazarov turli mayda-chuyda masalalarda tortishishni to‘xtatib, soqolning uzun-kaltaligiyu, kiyimni qanday kiyishni muhokama qilishni chekkaga qo‘yib, ilm-maʼrifat bilan shug‘ullanilmasa xalq baxtli-saodatli bo‘lishi qiyin masala ekanini qayd etdi.
“Arzimagan narsalar bilan ovora bo‘lib yuraveramiz. Kuni kecha internetda Hindistondagi olimlar birlashib, Oyga o‘z apparatini qo‘ndirishganini eʼlon qildi. Hindiston yoki boshqa davlatlar Oyga apparat chiqarib, kosmik kemasini chiqarib, butun dunyoni lol qoldiradigan texnikalarni yaratib, ilm-u maʼrifatni butun dunyoga oshkor qilyapti, shu bilan tortishyapti. Biz haliyam soqolni qanday qo‘yishlikni, kiyimni qanaqa kiyishlikni tortishib yuribmiz. Tortishuvlarni to‘xtatmagunimizcha, ilm-maʼrifat bilan shug‘ullanmagunimizcha xalqimiz baxtli-saodatli bo‘lishi qiyin gap.
Mana bu yil maktab o‘quvchilarining o‘qishga topshirgan ballari eʼlon qilindi. 40 foizi 2 ga yarasha ham javob bermagan. Mana buni gapirish kerak. Bu biz uchun musibat. Agar bolalarimizning 40 foizi 2 ga yarasha ham javob bermagan bo‘lsa, biz buning tashvishini qilishimiz kerak. Turli mayda-chuyda masalalarda tortishishni to‘xtatib, soqolning uzun-kaltaligiyu, kiyimni qanday kiyishni muhokama qilishni chekkaga qo‘yib, ilm-maʼrifat bilan shug‘ullanmasak, xalqimiz baxtli-saodatli bo‘lishi qiyin masala”, — deydi muftiy.
Izoh (0)