Shavkat Mirziyoyev islohotlarning joylardagi ijrosi, aholi hayoti bilan tanishish maqsadida Samarqandga jo‘nab ketdi. Bu haqda Prezident matbuot xizmati xabar berdi.
Tashrif davomida taʼlim maskanlaridagi sharoitlar, yangi inshootlar, sanoat korxonalari va xizmat ko‘rsatish loyihalari ko‘zdan kechiriladi. Mutasaddilar ishtirokida viloyatni ijtimoiy-iqtisodiy rivojlantirish vazifalari bo‘yicha yig‘ilish o‘tkazish rejalashtirilgan.
Shavkat Mirziyoyev 6-iyun kuni Samarqandga tashrifi doirasida “Shirin” massivining master rejasi taqdimoti bilan tanishgandi. Davlat rahbari loyihani ilg‘or shaharsozlik tajribasi asosida takomillashtirish, ijtimoiy xizmatlarni ko‘paytirish bo‘yicha ko‘rsatmalar bergandi.
Izoh (0)