Магнус Карлсен финалда ҳиндистонлик рақибини мағлуб этиб, фаолиятида илк бор шахмат бўйича Жаҳон Кубоги совринини қўлга киритди

Озарбайжоннинг Боку шаҳрида шахмат бўйича Жаҳон Кубоги ҳал қилувчи баҳси бўлиб ўтди.

Финалда Магнус Карлсен тай-брейкда ҳиндистонлик Рамешбабу Прагнанандҳуга қарши дона сурди.

Учрашув тақдири тай-брекда ҳал бўлди. Унда Карлсен 2,5 : 1,5 ҳисобида ғолибликни қўлга киритди.  

Магнус фаолиятида илк бор шахмат бўйича Жаҳон Кубоги соҳибига айланди. Бунга қадар норвегиялик гроссмейстернинг энг яхши натижаси 3-ўрин бўлган. 

Карлсен уч хил категория бўйича жаҳон чемпионига айланган: 2013 йилдан 2023 йилга қадар классик шахматда, 2014-2016, 2019 ва 2022 йилларда рапид бўйича, 2014-2015, 2017-2019, 2022 йилларда эса блиц бўйича. 

2023 йилда Карлсен россиялик Ян Непомняшийга қарши шахмат тожи учун ўйинда иштирок этишдан бош тортган ва буни мотивациянинг йўқолиши билан изоҳлаганди. Натижада хитойлик Динг Лирен жаҳон чемпионлигини қўлга киритган.