Buyuk Britaniyada bosh vazir Rishi Sunakka nisbatan tergov harakatlari tugatildi. Uning rafiqasi Akshata Murtining biznesi bo‘yicha deklaratsiyani to‘ldirishdagi xatosi qasddan sodir bo‘lmagan deb topildi.
Bu haqda Britaniya parlamentining standartlar bo‘yicha komissari Deniel Grinberg ma’lum qildi, deb yozadi Reuters.
Akshata Muti bolalarga g‘amxo‘rlik qiluvchi Koru Kids kompaniyasida ulushga ega ekanligi va Buyuk Britaniya g‘aznachiligi mart oyida yosh bolali oilalarni qo‘llab-quvvatlash miqdorini oshirib, ularga bolalar bog‘chalarida bepul soatlarni kafolatlagani tergovga sabab bo‘lgandi. Grinberg mazkur qarordan Sunakning rafiqasi naf ko‘rgan bo‘lishi mumkinmi yoki yo‘qmi, shuni aniqlashi kerak edi.
“Menda mavjud bo‘lgan ma’lumotlarni o‘rganib chiqib, axloq kodeksining buzilishi qasddan sodir bo‘lmagan, degan xulosaga keldim”, — dedi komissar.
Uning ta’kidlashicha, Britaniya bosh vaziriga qarshi ish yopilgan. Buyuk Britaniya parlamenti bosh vazir Sunak ustidan tergov boshlagani aprel oyi o‘rtalarida ma’lum bo‘lgan edi.
Izoh (0)