Ukraina 24-avgust kuni Mustaqillik kunini nishonlayapti. Mamlakat prezidenti Vladimir Zelenskiy bayram tabrigini “Ukrainaga mustaqillik bergan” barcha ukrainaliklarga bag‘ishladi.
“Katta urushda kichkina ishlar bo‘lmaydi. Keraksizlar, ahamiyatsizlar bo‘lmaydi. Bu odamlarga, harakatlarga va aytilayotgan so‘zlarga taalluqli. Ukraina mustaqilligini nishonlaganimizda, uning zamirida hamma o‘zini his qilishi mumkin”, — dedi Zelenskiy videomurojaatida.
Ukraina prezidenti har bir askar va matrosga, har bir serjant va brigadirga, har bir ofitserga, har bir generalga, himoyachilarning ota-onalariga, frontdan yaqinlarini kutayotganlarga, jangchilarni qo‘llab-quvvatlab, ularga “insoniylik qurolini” bergan farzandlarga minnatdorlik bildirdi.
“Kimdir ishlab, kimdir ish berib, kimdir sportdagi g‘alabalari bilan Ukraina uchun shon-sharaf qozonmoqda, kimdir uyining eshiklarini ochib, uysizlarga, bosqindan omon qolganlarga boshpana bermoqda”, — ta’kidladi u.
Bundan tashqari, Ukraina rahbari mamlakat mudofaasi uchun xizmat qilayotgan qurol-yarog‘lar, maxfiy operatsiyalarni bajarayotganlarni alohida e’tirof etdi.
“Men bugun yangiliklarda gapirilmaydigan, nomlari ozchilikka ma’lum, lekin bajarayotgan vazifasi hammaning nazariga tushayotganlar haqida alohida gapirmoqchiman. Bizning raketalarimiz. Ukraina snaryadlari. Bizning zambaraklarimi. Ukraina dronlari”, — dedi Zelenskiy.
Dushman flotining flagmani – “Moskva” kreyserini cho‘ktirganimizdan g‘ururlangan paytimiz, Qrim ko‘prigidagi zarbalardan xursand bo‘lganimizda, hozir ularning ismini ayta olmaydigan, ammo kelajakda ular haqida kitoblar yoziladigan, albatta filmlar suratga olinadigan odamlardan minnatdor bo‘lamiz. Men yopiq farmonlar bilan mukofotlaydigan va eng qiyin operatsiyalarni bajaradiganlar haqida. Rahmat sizlarga! Siz hammangiz muhimsiz!”
Izoh (0)