Toshkent viloyatida qariyb 245 million so‘mlik dori vositalari yo‘q qilindi, deb xabar beradi Majburiy ijro byurosi matbuot xizmati.
Ma’lum qilinishicha, mutaxassislar tomonidan yaroqsiz va sog‘lik uchun zarar deb xulosa qilingan dori vositalari zudlik bilan musodara qilinib, tegishli tartibda yo‘q qilinadi.
Byuroning Toshkent viloyati boshqarmasi ishchi guruhi va Bo‘ka tumani bo‘limi tomonidan Vazirlar Mahkamasining 200-sonli qaroriga asosan tuman bo‘limi ish yurituvida bo‘lgan jinoyat ishlari bo‘yicha Bo‘ka tuman sudining ijro varaqasiga asosan 244,7 million so‘mlik jami 734 dona dori vositalari tegishli komissiya aʼzolari ishtirokida yo‘q qilingan va ijro hujjati amalda tamomlangan.
Bundan oldin Sirdaryoda 1,8 milliard so‘mlik tamaki va dori vositalarining noqonuniy aylanmasi fosh etilgandi. Avgust boshlarida esa Namanganda 550 million so‘mlik dori vositalari yo‘q qilingani, O‘zbekiston aholisi ehtiyoji uchun Ukraina kompaniyasi ishlab chiqaradigan yuqori sifatli dorilar yetkazilishi to‘g‘risida xabar berilgandi.
Izoh (0)