Тошкент вилоятида қарийб 245 миллион сўмлик дори воситалари йўқ қилинди, деб хабар беради Мажбурий ижро бюроси матбуот хизмати.
Маълум қилинишича, мутахассислар томонидан яроқсиз ва соғлик учун зарар деб хулоса қилинган дори воситалари зудлик билан мусодара қилиниб, тегишли тартибда йўқ қилинади.
Бюронинг Тошкент вилояти бошқармаси ишчи гуруҳи ва Бўка тумани бўлими томонидан Вазирлар Маҳкамасининг 200-сонли қарорига асосан туман бўлими иш юритувида бўлган жиноят ишлари бўйича Бўка туман судининг ижро варақасига асосан 244,7 миллион сўмлик жами 734 дона дори воситалари тегишли комиссия аъзолари иштирокида йўқ қилинган ва ижро ҳужжати амалда тамомланган.
Бундан олдин Сирдарёда 1,8 миллиард сўмлик тамаки ва дори воситаларининг ноқонуний айланмаси фош этилганди. Август бошларида эса Наманганда 550 миллион сўмлик дори воситалари йўқ қилингани, Ўзбекистон аҳолиси эҳтиёжи учун Украина компанияси ишлаб чиқарадиган юқори сифатли дорилар етказилиши тўғрисида хабар берилганди.
Изоҳ (0)