Қашқадарё вилояти Шаҳрисабз шаҳрида Tahoe автомобилида дрифт қилган шахс жавобгарликка тортилди. Бу ҳақда вилоят ИИБ ЙҲХБ ахборот хизмати хабар берди.
Қайд этилишича, 11 август куни Шаҳрисабз шаҳар марказий кўчаларидан бири ҳисобланган Ипак йўли кўчаси чорраҳасида Tahoe транспорт воситаси турли хавфли манёврлар билан бошқа автомобилларнинг ҳаракатланишига халақит берган.
Тезкор тадбир давомида дрифт уюштирган машина эгаси топилиб, транспорт воситаси жарима майдончасига жойлаштирилган.
“Қариндошимнинг машинасини олиб, чорраҳада қизиқиш сабаб чорраҳада айландим. Қилган ишимдан афсусдаман”, — дейди ҳайдовчи.
Ҳолат юзасидан иш жиноят ишлари бўйича Шаҳрисабз шаҳар суди томонида кўриб чиқилган ва ҳайдовчига жарима ҳамда 7 сутка маъмурий қамоқ жазоси тайинланди.
Самарқанд шаҳрида 31 декабрдан 1 январга ўтар кечаси Mercedes-Benz’да дрифт қилган ҳайдовчиси жавобгарликка тортилган эди. Ундан олдин эса Нукусда рақамсиз ҳаракатланиб, дрифт қилган “шумахер” топилганди.
Изоҳ (0)