Turkiya Liviya shimoli-g‘arbidagi Homs portini 99 yilga ijaraga oldi, u yerga harbiy baza joylashtiriladi. Bu haqda TGRT telekanali Turkiya dengizchilik va global strategiyalar markaziga tayanib xabar berdi.
“Turkiya harbiy baza yaratish uchun Al-Homs portini 99 yilga ijaraga olish to‘g‘risida Liviya bilan muhim kelishuvga erishdi”, — deyiladi xabarda.
Harbiy tahlilchilar fikricha, bunday harakat Anqaraning Sharqiy O‘rtayer dengizidagi suverenitetini mustahkamlaydi, Turkiya hududiy suvlari ustidan nazoratni kuchaytiradi va savdo yo‘llari xavfsizligini taʼminlaydi.
Turkiya armiyasi yangi harbiy bazaga jangovar uchuvchisiz uchoqlar va havo hujumidan mudofaa tizimlarini joylashtirmoqchi.
Yanvar oyida Turkiya terrorizmga qarshi kurashish uchun Armaniston bilan chegaradagi Ararat tog‘ida harbiy baza qurayotgani ma’lum bo‘lgandi. Harbiy inshoot tungi kuzatuv uchun zamonaviy texnologiyalar va avtonom qurol tizimlari bilan jihozlangan.
Izoh (0)