“PSJ” hujumchisi Kilian Mbappe Fransiya chempionatining 1-turini o‘tkazib yuboradi.
ESPN nashrining xabariga ko‘ra, hujumchi 12-avgust kuni “Park de Prens”da bo‘lib o‘tadigan “Loryan”ga qarshi bahsda ishtirok etmaydi.
Mbappe klub bilan yangi shartnoma borasida kelisha olmayotgani sababli bosh murabbiy Luis Enrike qo‘l ostida mashg‘ulotlarda ishtirok etgani yo‘q.
Kilian avgust oyida bo‘lib o‘tadigan o‘yinlarni (“Loryan”, “Tuluza” va “Lans”) o‘tkazib yuborishi mumkin. Klub futbolchini shu tariqa jazolamoqchi.
Eslatib o‘tamiz, fransiyalik hujumchi parijliklar bilan 2024-yilda o‘z nihoyasiga yetadigan shartnomasini yangilashni istamayapti. Kilianga Madridning “Real” jamoasi jiddiy qiziqish bildirmoqda.
Parijliklarga 24 yoshli futbolchi o‘zini jamoa loyihasining bir qismi deb hisoblamay qo‘ygani yoqmayapti. Shu bilan birga boshqa klublardan kelayotgan takliflar hamda Parij klubi bilan shartnomani uzaytirish variantlarini rad etmoqda.
Avvalroq, Fransiya prezidenti Emmanuel Makron futbolchini “PSJ”da qolishga ko‘ndirishga urinib ko‘rmoqchiligi xabar qilingandi.
Izoh (0)