“Benfika” “Portu”ni ishonchli hisobda mag‘lub etib, Portugaliya Superkubogi g‘olibiga aylandi

Futbol bo‘yicha Portugaliya Superkubogida “Benfika” va “Portu” jamoalari o‘zaro to‘qnash keldi.

Uchrashuv “Benfika”ning 2:0 hisobidagi g‘alabasi bilan yakunlandi. Jamoa tarkibida Petar Musa va Anxel di Mariyalar o‘z hisobiga gol yozdirib qo‘ydi. “Portu” o‘yinni 10 kishi bo‘lib yakunladi. Himoyachi Pepe qizil kartochka olib, maydonni tark etdi. Shuningdek portuliklar murabbiyi Serjiu Konseysau ham maydondan chetlatildi.

“Benfika” o‘z tarixida 9-marta Portugaliya Superkubogini qo‘lga kiritdi va bu natija bo‘yicha “Sporting”ga yetib oldi. Faqatgina “Portu” ulardan oldinda. Jamoa 23 marta Superkubokda g‘alaba qozongan. 

Portugaliya Superkubogi

9-avgust, chorshanba

“Benfika” — “Portu” 2:0

Gollar: 1:0 – 61 Di Mariya, 2:0 – 68 Musa.

“Benfika”: Vlahodimos, Ba, Otamendi, Antoniu Silva, Ristich (Yurasek, 46), Di Mariya (Skellerup, 90), Joau Mariu (Musa, 46), Eursnes, Kekchyu (Florentinu, 70), Joau Nevesh (Shikinyu, 75), Rafa Silva.

“Portu”: Diogu Koshta, Pepe, Markano, Sanusi (Gonsalu Borjesh, 81), Otavio, Gruyich (Joau Mariu, 69), Eushtakiu (Romariu Baro, 65), Pepe, Taremi (Fran Navarro, 81), Namaso (Toni Martines, 65), Galeno.

Ogohlantirishlar: Ristich (15), Joau Mariu (16), Kekchyu (27), Namaso (29), Pepe (33), Ba (43), Pepe (45), Joau Nevesh (49), Eushtakiu (51), Sanusi (55), Shikin'yu (84), Vlaxodimos (87).

Chetlatishlar: Pepe (90), Konseysau (90).