Fransiya prezidenti Emmanuel Makron yana bir bor Mbappeni “PSJ”da qolishga ko‘ndirishga urinib ko‘radi.
El Debate nashrining xabariga ko‘ra, Makron Kilianni hech bo‘lmaganda 2024-yilgi Parijda bo‘lib o‘tadigan Olimpiadaga qadar fransuz klubida qolishini xohlaydi.
“PSJ” rahbariyati Mbappega 2025-yilgacha mo‘ljallangan shartnoma taklif qilgan va uning tovon pulini 200 million yevro qilib qo‘ymoqchi.
Qayd etib o‘tish joiz, Fransiya prezidenti avval ham Mbappega “PSJ” bilan shartnomani yangilashi kerakligi haqida maslahatlar bergandi.
Siyosatchi va futbolchi o‘rtasidagi yaqin aloqalar 2018-yil Yelisey saroyida Kilian Makronda iliq taassurotlar qoldirgan chog‘idan boshlangan.
Kilianning o‘zi esa klubini almashtirmoqchi. Mbappe “PSJ” bilan shartnoma uzaytirmasa yoki shu yozda jamoani tark etmasa klub uni mavsum davomida maydonga tushirmasligi haqida xabarlar yangragandi. Uning parijliklar bilan shartnomasi 2024-yilda o‘z nihoyasiga yetadi.
Izoh (0)