Ilon Mask va uning xAI kompaniyasi Apple hamda OpenAI’ga qarshi sudga da’vo arizasi kiritdi. Ushbu kompaniyalar sun’iy intellekt bozorida raqobatni cheklash maqsadida til biriktirganlikda ayblanmoqda. Bu haqda Reuters xabar berdi.
Da’voda ta’kidlanishicha, kompaniyalar “o‘z monopoliyalarini saqlab qolish va X hamda xAI kabi yangi innovatsion o‘yinchilarning paydo bo‘lishiga to‘sqinlik qilish uchun bozorni egallab olgan”. Mask o‘zining Grok chatboti App Store’da ko‘zga tashlanadigan o‘rinlarda chiqmayotganidan norozi.
xAI vakillariga ko‘ra, Apple ataylab Grok’ni targ‘ib qilmayapti, chunki kompaniya OpenAI bilan eksklyuziv shartnomaga ega va shu sabab ChatGPT’ni faol targ‘ib qilmoqda.
Shu bilan birga, DeepSeek va Perplexity kabi boshqa sun’iy intellekt ilovalari App Store reytinglarida paydo bo‘lgan. Dunyodagi eng boy inson hisoblangan Mask OpenAI asoschilaridan biri hisoblanadi, biroq 2018-yilda u kompaniyani tark etgan.
2023-yilda Mask ChatGPT kabi mashhur ilovalarga raqobatchi yaratishni va’da qilib, xAI’ni ishga tushirdi. Bir necha oydan so‘ng, kompaniya Maskka tegishli X ijtimoiy platformasi foydalanuvchilarining so‘rovlariga javob bera oladigan Grok nomli chat-botni taqdim etdi.
Izoh (0)